Contoh Pidato Pambiwara Maos Lampahing Tatacara Ngunduh Mantu Utawa Manten
PAMBIWARA MAOS LAMPAHING TATACARA NGUNDUH MANTU
Assalamu’alaikum Wr Wb.
Marsudi ing reh budaya karana luhuring budaya dadya ukuraning jiwa jawi.
Para pri agung, Para alim ulama, Para sesepuh saha para pini sepuh ingkang tuhu kulo bekteni,sarta ingkang sinuyudan dening para bebrayan.
Para tamu kakung miwah putri ingkang winantu ing pakurmatan,sumrambahipun para kadang sutresna pametri budaya adiluhung,langkung-langkung bebrayan agung ing Dusun Kedungjeruk ngriki ,ingkang winengku ing karahayon.
Saksampunipun panjenengan sedaya lan kula sami pinanggih wilujeng,sumangga sami sesarengan munjukaken raos syukur ing ngarsa dalem Allah SWT,hawit nugraha ingkang sampun dipun paringaken dhumateng panjenengan sedaya lan kula,satemah saget mbabar swasana tentrem lahir lan batin,katitik wonten ing pahargyan siyang menika panjenengan sedaya lan kula saged manunggal,kanthi wilujeng nir ing sambekala.
Para tamu kakung saha putri ingkang luhuring budi,wonten ing dinten pinilih Sabtu wage surya kaping 25 september warsa 2021 Masehi, Bapa Sutarno sekaliyan badhe Ngunduh panganten Putra penganten Bg....................................ingkang sampun hanjatukrami Putri Retnaning Ayu........................................Putri turunipun Bapa............................................ingkang pidalem ing Dusun....................................................
Para tamu kakung putri ingkang luhuring budi,panjurung donga pamuji sarta pangestu panjenengan sedaya ingkang dipunsuwun, mugi lampahing tatacara upacara wiwitan, tengahan, lan pungkasan, saged kalampahan kanthi wilujeng ning ing sambekala.
Tumuli kula minangka pambiwara,kaparengna kula badhe maosaken pratelan sarta mbiwarakaken lampah lampahipun pahargyan ing siyang menika.
Para tamu kakung sarta putri ingkang winantu ing suka basuki.
Salajenipun badhe kula waosaken urut reroncening tata cara pahargyan ing siyang menika.
Ingkang sepisan pangandika pasrah saking kulawarga pengaten Putri
Ingkang kaping kalih pangandika panampi pasrah saking panganten kakung
Ingkang kaping tiga Atur pambagya harja miwah atur panuwun ambalan.
Ingkang kaping sekawan panutup utawi Purnaning pahargyan ing siyang menika
Para tamu kakung putri,mekaten saha semanten lampahing tatacara upacara pahargyan ing siyang menika.
Salajengipun kula ngaturaken wilujeng siyang saha wilujeng lelenggahan ngantos dumugi purnaning pahargyan ing siyang menika, nuwun.
Para tamu kakung putri ingkang winantu ing suka basuki
Kula jejering pambiwara sampun pikantuk sasmita saking pangarsaning pahargyan bilih tatacara pahargyan penganten sekaliyan, nedya kapurwakan.
Ingkang sepisan Pangandika pasrah saking kulawarga pengaten putri Nuwun inggih Bapa......................
Katur dhumateng paraga ingkang piniji, pasrah miwah panampi,hambok bilih sampun samapta ing samudayanipun,sasana miwah pirantos gora swara kula aturaken,sumangga.
Wus purna pangandika pasrah saking panganten putri. Salajengipun
Ingkang kaping kalih pangandika panampi pasrah saking penganten kakung Nuwun inggih, Bapa....................................Sumangga.
Wus purna pangandika panampi pasrah saking kulawarga penganten kakung.
Salajengipun para tamu dipun suwun lelenggahan kanthi mardikaning panggalih.
Katur dhumateng paraga pangripta swara kaparenga ngaturaken gending-gending ingkang jumbuh kalian swasana sumangga. [ gending ]
Para tamu kakung putri ingkang luhuring budi, salajengipun.
Ingkang kaping tiga atur pambagya harja miwah atur panuwun ambalan, Nuwun inggih Bapa Maryanto minangka panggarsa wonten ing pamarintahan Desa kedungjeruk, sumangga.
Wus purna atur pambgya harja salajengipun para tamu kasuwun lenggah kanthi mardikaning panggalih ngantos dumugi purnaning pahargyan ing siyang menika,nuwun. [ gending ]
Para tamu kakung putri ingkang winantu ing pakurmatan salajengipun
Ingkang kaping tiga panutup utawi purnaning pahargyan ing siyang menika.
Kula minangka pambiwara sampun pikantuk sasmita saking pangangarsaning pahargyan,bilih pahargyan ing siyang menika sampun tuntas ing sadayanipun.tumuli ngadani tatacara panutup purnaning pahargyan.
Wondene ingkang kasuwun mbedol penganten sekaliyan saking palenggahan tumuju ing sangajenging wisma pahargyan nuwun inggih Bapa / Ibu .....................
Kula minangka pambiwara nglenggana lan kepara ndadha ing reh kalepatan,inkang menika kula nyuwun agunging pangaksama, Pungkasaning atur nderekaken wilujeng kondur mugya tansah manggih yuwana. Ing wasana sinawung humiring sesanti “Sura sudira jayaning kang rat swuh brastha tekabing ulah damastuti” Mugi rahayu ingkang sami pinanggih. Wassalamu’alaikum Wr.Wb.
Nuwun matur nuwun.
Demikian contoh pidato Pambiwara Maos Lampahing Tatacara Ngunduh Mantu